ZUĞAŞİ OROPA GERMALEPE REN




Ma zuğa bore, k’uçxepe var miğun, var gomalen.

Oropa ckimi germalepe ren, hetepez e3ebo3k’e.

Hem yerepez na gextase k’at’a 3k’arepe çkimde mulun.

Var bic’ğe, na moxtase 3k’arepe korba çkimiz ren.




Oropa ckimi germalepe ren, çkimde na skidunan,

Omçviru na uçkinanpe ren, çkimi doloxe skidunan.

Hetepez k’uçxe var uğunan. Var galenan, imçvinan.

Hemtepez dido var acirenan, mara k’inçepe kuçkinan.




Oropa ckimi germalepe ren, hemtepez doloxe na skidunan,

Na putxunanpe, na gulunanpe, lo3a 3kariz na imçvinanpe,

Dumçk’uti, k’inçiti, mtugiti, parpaliti, mtutiti, mgeri ti hegrenan.

Oropa ckimi germalepe ren, mara ma germalepez var malen.




Muço bida, ma hemyerepeşe ko malu na hetepe ğuranore.

Hemyerepez na skdunanpe çkimi doloxe var axenan.

Ğormotik heşo noç’aru dore, zuğaz na skidunanpe ti, let’az var skidun.

Oropa ckimi germalepe ren, p’orom mara hemuşe var malen.




Germaşe var bulu. Komiçkin, ma hemyerepe bidana hetepe ğuranore.

Oropa çkimi haşoren. Ğormotik var memaç’aru, hemuşe var malen.

Heti çkimde var malen, moxtuna ğurase. Ma hemuz hakşen bo3k’e,

Oropa ckimi germalelepe ren, hakşen bi3k’e, ma domibağun.

KEMAL ÖZBIYIK