UDERDELİ MİTİ VAREN...




ma mu p'a so so bida

uderdeli miti varen

dido gopti ir yeri

miti raxat'i varen




3'ut'a bere umiteli

nana baba ğureyi

badi cames elexen

nusa - motaş ileyi




ayik ğini şudoren

barbaleyi şa gulun

ar bozo imt'udoren

xirxineyi şa nulun




iflasi ivuşkule

k'oçi keyin3'idoren

ayi ağa divu do

ir şeyi nixirudoren




bozo varmeçes şkule

bi3'ik omt'inudoren

ar bi3'i arkerişe

idu diyiludoren




bozo gan3'eludoren

çkinik elaxen ibgars

g'ayi na var uğunan

galeni berek mu vas




mu gi3vat e berepe

mati seyi var man3'iren

hantepe bixesap'um

k'iyanas muperep iven




İ.D.TURNA......2003 - İSTANBUL