Lazuri nenaşeni a mutu mik ikomzna ma hemuz xepez ko meboxfelam...

Hak gamulunan do heya heşo mot ikomt haya haşo mot noçaramt, fonti muşen isa va ixmaramt na zoponan dobadona çkunişi berepek kusuriz mot gomi3kemtan putxunan..

A meseliten hak mu bzopon gi3vaten;

A oputez cameşi xocak cemaati va mulun ya do iderdamztu doren.

Ari naren meçopuşi kitxu doren;

- Cameşe muşen va mulut? Ya do.

- Dulya heko dido miğunan, modvalu mo3kuşe ora va miğunan... tku doren.

- Modvaluten amaxtit heşoti diven... tkuşi koçepek cameşe moxtuşe ko gaçkez doren.

Dido okaçxe hocaz tayini ko gamuxtu doren.

Ağne xocak koçepe modvaluten cameşe amuluteşi 3iruşi;

- Haşo va iven... u3u doren.

Mcveşi hocak;

- Ma modvaluten namazi doboxenapi. Siti gaxenenna modvalu mo3kapi do oxenapi... u3u doren...

Ha3i;

İrik muntxanepe diguramz ya do kay doma3onani yoğise heya heşo va niçarinen ya do opute çkunişi koçepe hakşen bomtinati...

Ma, mik mu diguramzna Ma dobiguri steri kay doma3onen...

Na ptkfarepe domaçodu...

Kayiten...